http://www.123.is/breidbandid/blog/record/468876/ Þessa dagana erum við að leggja lokahönd á nýja diskinn. Vonandi fer hann í framleiðslu í þessari viku. Þá er von á að hann komist til landsins fyrir Ljósanótt. Við erum búnir að fá mikið af snillingjum til að hjálpa okkur og erum við sannfærðir um að diskurinn verði sannkallað tímamótaverk. Allavega fyrir okkurBreiðbandið. Wed, 04 Aug 2010 22:11:09 GMT http://www.123.is/breidbandid/blog/record/463313/ Loksins er komið að Popppunktsþættinum sem við erum í. Eins og þeir sem þekkja okkur vita þá var það búinn að vera áralangur draumur okkar að komast í þáttinn. Við sömdum lagið Popppunktur sem fjallar um þennan draum okkar og heyrðu snillingarnir Dr. Gunni og Felix af því og buðu okkur í þáttinn. Erum við þeim ævinlega þakklátir fyrir.Ekki missa af þessum stórkostlega viðburði.Breiðbandið. Sun, 04 Jul 2010 11:19:34 GMT http://www.123.is/breidbandid/blog/record/458145/ Jæja, nú höfum við strákarnir verið á fullu að spila út um allt og gengið vel en nú er rólegt í bókunum framundan þannig að við förum líklega að snúa okkur að því að klára plötuna. Upptökustjórinn okkar hefur líka verið upptekinn í pólitíkinni en þar sem búið er að koma konunni hans í bæjarstjórn þá hljótum við að fá að hafa hann í friði í smá stund. Stefnan er að reyna að koma plötunni út fyrir næstu Ljósanótt.... ef við nennum. Fri, 04 Jun 2010 21:47:06 GMT http://www.123.is/breidbandid/blog/record/447621/ Jæja, nú eru við félagarnir rífandi stoltir því okkur hefur verið boðin þáttaka í Popppunkti þeim stórmerka spurningaþætti. Þetta hefur verið draumur hjá okkur lengi.Nú er bara næsta skref að leggjast í æfingabúðir og glöggva sig á poppfræðunum svo við sitjum ekki bara gapandi í settinu og skítum upp á bak.Við erum nú ekki líklegir til stórræðanna en samt gaman að fá að vera með. Wed, 14 Apr 2010 23:00:42 GMT http://www.123.is/breidbandid/blog/record/444394/ Tónleikarnir tókust alveg frábærlega. Salurinn troðinn af skemmtilegu fólki sem hreinlega grét.... af hlátri. Reyndar táruðumst við líka á köflum af hlátri en við skemmtum okkur ekki síður er gestirnir.Framundan er þá að klára upptökurnar á plötunni og koma skepnunni í fjölföldun. Það gerist vonandi með hækkandi sól. Wed, 31 Mar 2010 11:46:35 GMT http://www.123.is/breidbandid/blog/record/440885/ Fyrir þá sem hafa áhuga á að nálgast miða á tónleikana 20.mars er einfaldast að senda póst á breidbandid@breidbandid.comMunið að fyrstir koma, fyrstir fá. Mon, 15 Mar 2010 11:42:49 GMT http://www.123.is/breidbandid/blog/record/438685/ Breiðbandið mun verða með tónleika í Frumleikhúsinu í Keflavík þann 20. mars klukkan 20:00. Húsið opnar klukkan 19:00. Breiðbandið mun spila lög af næsta disk sveitarinnar sem er í vinnslu núna í samstarfi við upptökuheimilið Geimsteinn. Diskurinn "Breiðbandiði - Bætir á sig" mun koma svo út í sumar ef guð og lukkan leyfir. Einungis eru 130 miðar til sölu á þessa tónleika og því um að gera að tryggja sér miða strax. Miðarnir verða eingöngu seldir í forsölu og kosta 1500 krónur stykkið. Það er hverjum manni hollt að lyfta sér upp á þessum síðustu og verstu tímum og eru þá engir betri til þess en Breiðbandið. Við lofum góðri skemmtun fyrir alla þá sem eru tilbúnir að skemmta sér.Endilega svarið þessum pósti eða hafið sem fyrst samband við meðlimi sveitarinnar til að trygggja ykkur miða. KveðjaBreiðbandið Fri, 05 Mar 2010 21:53:50 GMT http://www.123.is/breidbandid/blog/record/437847/ Strákarnir eru í fínu formi þessa dagana en upptökum á grunnunum er lokið og var feikna stemming í því. Nú á eftir að fínpússa þetta eitthvað til og setja eitthvað meira kjöt á beinin og fitu að sjálfsögðu ásamt því að syngja inn raddirnar. Hvenær þetta verður svo tilbúið er ómögulegt að segja.Svo erum við líka að skipuleggja tónleika sem haldnir verða líklega í mars og þá í Frumleikhúsinu en það á eftir að festa dagssetningu á þá. Þá verður gaman. Tue, 02 Mar 2010 09:17:26 GMT http://www.123.is/breidbandid/blog/record/426569/ Jæja nú er allt að gerast hjá okkur félögunum. Við stöndum sveittir í að taka upp demo af öllum nýju lögunum okkar svo hægt sé að fara að vinna í hugmyndavinnu varðandi útsetningar.Svo stendur til innan tíðar að smala saman góðum mönnum til að taka upp herlegheitin í Upptökuheimilinu Geimsteini. Þá verður sko gaman. Tue, 12 Jan 2010 22:01:36 GMT http://www.123.is/breidbandid/blog/record/414252/ Sorry hvað við erum búnir að vera latir hérna. Næstu helgi erum við að fara að skemmta í Vestmannaeyjum og erum að stefna á að gera smá myndband við Helgu Möller lagið okkar. Svo ekki afskrifa okkur.KveðjaBreiðbandið. Sun, 15 Nov 2009 22:42:42 GMT http://www.123.is/breidbandid/blog/record/394436/ Nágranninn okkar hefur fengið góð viðbrögð. Svo góð að við strákarnir fengum andann yfir okkur og sömdum lag síðasta mánudag sem við stefnum á að leyfa okkar fjölmörgu aðdáendum að njóta fljótlega.Þetta er afmælisvikan og bara í dag erum við allir jafngamlir. Ómar varð 39 ára 10 ágúst, Rúnar 14. ágúst og svo mun Maggi stinga okkur af á morgun þegar hann fyllir 40 ár. Til hamingju með stórafmælið Maggi.Breiðbandsfélagar. Sat, 15 Aug 2009 19:24:48 GMT http://www.123.is/breidbandid/blog/record/391087/ Fyrir þá sem vilja eignast lagið okkar Nágranninn á mp3 formati er bent á að undir síðunni hérna að ofan "Tónlistin" er mappa sem heitir Nágranninn og þar er svo lagið.Endilega niðurhalið laginu og setjið á I-podanna ykkar.KveðjaBreiðbandið. Tue, 28 Jul 2009 19:21:44 GMT http://www.123.is/breidbandid/blog/record/390822/ Viðbrögð við nýja laginu okkar hefa verið ótrúleg. Þegar þetta er skrifað þá hafa yfir 500 manns séð myndbandið á youtube og óendanlegur fjöldi heyrt lagið á Facebook. Við strákarnir vorum stoppaðir útá götu í Hafnarfirði af ókunnugu fólki sem hafði séð myndbandð og var að dásama það. Það kítlaði 3 lítil egóhjörtu gríðarlega. Við lögðum land undir fót síðasta laugardag og skemmtum í Hestheimum í skemmtilegu fertugsafmæli. Mótttökurnar voru með því besta sem við höfum upplifað.Frétt um lagið okkar kom á vef Víkurfrétta og er vísað á slóðina á youtube í fréttinni. Endilega ef það eru einhverjir sem eiga eftir að heyra þetta þá leggið við hlustir. Einnig viljum við biðja okkar fjölmörgu aðdáendur að dreifa þessu til allra sem þið þekkið. KveðjaBreiðbandið. Mon, 27 Jul 2009 18:29:38 GMT http://www.123.is/breidbandid/blog/record/390141/ Þá er nýja lagið hjá Breiðbandinu tilbúið. Lagið er hægt að hlusta á á Youtube og ef slegið er inn Breiðbandið í leitarvélinni þá kemur það upp. Góða skemmtunBreiðbandið. Thu, 23 Jul 2009 23:01:11 GMT http://www.123.is/breidbandid/blog/record/389918/ Jæja nú fer að færast fjör í leikinn því við félagarnir höfum verið í Upptökuheimilinu Geimsteini við upptökur á laginu Nágranninn og er lagið í "masteringu" þessa dagana. Þegar því lýkur ætlum við að koma laginu í spilun sem víðast og leyfa öllum að njóta. Wed, 22 Jul 2009 20:45:36 GMT http://www.123.is/breidbandid/blog/record/384864/ Vegna þess að textinn okkar ferðast nú milli fólks eins og eldur um sinu og í ýmsum útfærslum þá birtum við textann hér eins og við sömdum hann. Sorglegt þykir okkur þegar afkvæmið okkar er ekki feðrað á þessum ferðalögum um netheimana. Nágranninn Lag og texti: Breiðbandið 2007 G.....em......G......em G Em Ég á minnsta húsið í götunni G Em G Em Það er húsið sem stendur hjá lödunni.aha G Em Er granninn lætur renna í pottinn hjá sér G Em G Em Kólna allir ofnarnir hjá mér.aha C D Eftir að granninn girti garðinn hjá sér G Em Skín ekki sólin inní garðinn hjá mér C D Granninn fær ráðherra í grill til sín C D-stopp G Og bræluna leggur svo yfir til mín G....Em.....G.....Em G Em Granninn á jeppa af flottustu sort G Em G Em En ég á bara ljóta lödu sport.aha G Em ég fer í vinnuna með rútunni G Em G Em en hann fe r með einkaþyrlunni C D Konan hans eldist ekki hætishót G Em En mín er bæði feit og ljót C D Granninn er stæltur og með hárið ljóst C D-stopp G En ég bæði með ístru og lafandi brjóst D C G Ahaha aumingja ég D C G Ahaha aumingja ég G-stopp E7 A F#m Þegar granninn er með veislu hjá sér A F#m A F#m Býður hann öllum nema mér A F#m Elton John skemmti í afmælinu A F#m(stopp) En ég hafði bara efni á Breiðbandinu D E A Óþolandi er oft granninn minn D E A Það trúa því fáir að þetta sé .......sonur minn Viðbót vegna kreppu G Em Nú er hann kominn á heimilið mitt G Em G Em Og fluttur í gamla herbergið sitt aha G Em Í kreppunni hann missti allt sitt fé G Em G Em Og nú á hann minni pening en ég aha C D Það kveiknaði í báðum jeppunum G Em Og konan er farin frá honum C D Nú hangir hann heima rosa down C D-stopp G Og bölvar og ragnar... Gordon Brown Thu, 25 Jun 2009 11:29:14 GMT http://www.123.is/breidbandid/blog/record/382728/ Nágranninn.Lagið okkar Nágranninn virðist hafa öðlast sjálfstætt líf á netinu. Vinnufélögum okkar hefur borist textinn af laginu og er hann ekki alltaf réttur. Fjölmargir hafa hlýtt á lagið á Facebook. Við erum rífandi stoltir yfir því að vera orðnir "ruslpóstur" sem fólk sendir sín á milli. Fjölmargir eru búnir að birta þetta á bloggsíðum sínum en á fjölmörgum stöðum er höf. ókunnugur svo við verðum að láta vita að vitaskuld erum við sekir um að hafa samið þetta í góðum félagsskap Vikings-bjórs.Ef allt gengur að óskum þá munum við fljótlega taka þetta lag upp í góðum gæðum.KveðjaBreiðbandið. Mon, 15 Jun 2009 20:13:15 GMT http://www.123.is/breidbandid/blog/record/368896/ Við erum óskaplega latir að setja eitthvað hingað inn. Við vitaskuld geislum ekkert af framtakssemi yfir höfuð en þar sem við erum að fá margar fyrirspurnir þessa dagana þá tilheyrir að henda einhverju hingað inn. Þess ber einnig að geta að við erum á Facebook ef einhver hefur áhuga.Lagið okkar Nágranninn virðist vera okkar allra vinsælasta lag en viðtökurnar á því eru alltaf þrusugóðar þar sem við komum fram.Fyrir hönd BreiðbandsinsRúnar I. Hannah Tue, 21 Apr 2009 11:44:14 GMT http://www.123.is/breidbandid/blog/record/347754/ Jæja, lífið heldur áfram þrátt fyrir allt.Við sætu strákarnir erum komnir út úr hátíðarkrásunum og grenntumst ekki um jólin enda hefði það nú bara verið svindl. Nú erum við farnir að skemmta á þorrablótum og öðrum mannfögnuðum sem fylgja þessum árstíma og erum t.d. að skemmta á þrem stöðum um helgina.Nú gildir bara að hlægja sig í gegnum þetta kreppukvikindi. Fri, 06 Feb 2009 14:54:34 GMT http://www.123.is/breidbandid/blog/record/329813/ Gleðileg jól!Breiðbandið óskar öllum til lands og sveita gleðilegra jóla og ætlar að gefa ykkur jólalag í tilefni jólanna. Þið getið downlodað laginu hér. Vonandi verðum við duglegri að skrifa hér á næstunni, en við höfum verið einstaklega latir að skrifa. Við erum alltaf að skemmta út um allt og það er engin kreppa hjá okkur. Við erum búnir að stofna grúbbu á Facebook því það er enginn maður með mönnum í dag nema hann sé á Facebook. Jæja, best að fara að baka fyrir jólin....nei, bara grín. Mon, 15 Dec 2008 23:42:44 GMT http://www.123.is/breidbandid/blog/record/296770/ Jæja, nú er Breiðbandið afslappað og að jafna sig eftir að hafa sleppt sér í stúkunni á leik Keflavíkur og Fram um helgina. Vissulega súrt að sjá á eftir dollunni inn í Hafnarfjörð en svona er nú lífið einu sinni. Það verður bara meira gaman næsta sumar.Annars erum við drengirnir að dunda okkur í hljóðverinu þessa dagana að taka upp grunna af lögum sem við erum með í smíðum, verðum að taka þetta upp strax því eins og allir vita þá erum við með gullfiskaminni. Stefnan er nú að koma þessu efni einhverntíman á geisladisk, nú eða vinyl en það virðist vera að detta í tísku núna. Það kemur í ljós síðar.Smá spakmæli hér í lokin:Mjór er mikils vísir en feitur er skemmtilegri. Sun, 28 Sep 2008 21:27:52 GMT http://www.123.is/breidbandid/blog/record/284576/ Breiðbandið verður með opna æfingu í Svarta Pakkhúsinu fimmtudaginn fyrir Ljósanótt frá klukkan 21:00 og svo aftur á laugardeginum frá 14:30 og fram að þolinmæðismörkum. Gestum og gangandi gefst nú einstakt tækifæri til að heyra lög sem eru í vinnslu og einnig lög sem eru óútgefin og hafa af einhverjum ástæðum endað í skúffunni. Breiðbandið kemur yfirleitt bara fram í einkasamkvæmum eins og brúðkaupum, árshátíðum, afmælum ofl. Sveitin hefur yfirleitt komið sér hjá því að koma fram opinberlega þar sem meðlimirnir eru einstaklega latir og telja allt slíkt vera bara "vesen" Þetta er því tækifæri sem gestir Ljósanætur mega ekki láta fram hjá sér fara. Myndlistarhópurinn Sunnan 9 er með sýningu á sama stað alla daga ljósnætur svo listviðburðurinn verður veisla bæði fyrir eyru og augu. Þessi fimm ára hljómsveit hefur komið víða við á fjölbreyttum ferli. Gleðitríóið hefur spilað bæði hér heima og erlendis við einstaklega góðan orðstýr. Sveitin hefur gefið út tvo geisladiska sem í dag eru svo til ófáanlegir. Ferill sveitarinnar náði nýjum hæðum síðasta vetur þegar hún var fengin til að semja "bæjar-revíu" sem Leikfélag Keflavíkur setti upp í leikstjórn Helgu Brögu Jónsdóttur. Leikritið "Bærinn breiðir úr sér" sló vitaskuld í gegn og er ein vinsælasta sýning sem Leikfélagið hefur sett upp síðustu ár.Þetta er fréttatilkynningin sem send hefur verið út. Við viljum hvetja alla hina fjölmörgu aðdáendur sveitarinnar að kíkja á okkur. Fri, 29 Aug 2008 20:52:36 GMT http://www.123.is/breidbandid/blog/record/283450/ Undirbúningur fyrir atriði Breiðbandsins á Ljósanótt er í fullum gangi.Breiðbandið ætlar að vera með opna æfingu. Við munum koma okkur fyrir í þægilegum stellingum í Svarta Pakkhúsinu og leyfa gestum og gangandi að sjá hljómsveitina á bakvið tjöldin. Við munum spila þarna lög sem eru í vinnslu og einnig munu inná milli renna nokkrar ódauðlegar perlur. Gestum býðst til að fá sér sæti með sveitinni og ræða málin. Skemmtulegu fólki verður jafnvel boðið uppá bjór. Tue, 26 Aug 2008 20:42:11 GMT http://www.123.is/breidbandid/blog/record/273484/ Við drengirnir höfum verið með rólegra móti það sem liðið er af sumrinu en ýmsar hugmyndir eru að skjóta rótum hjá okkur sem við förum líklega að vinna í fljótlega, það er að segja ef við nennum því. Kannski látum við ljós okkar skína á Ljósanóttinni. Aldrei að vita. Ef við nennum því þá... Sun, 27 Jul 2008 12:19:32 GMT http://www.123.is/breidbandid/blog/record/255099/ Breiðbandið slakar ekkert á þessa dagana. Við frumfluttum nýtt lag í brúðkaupi þann 17 maí sem er sér hannað til að spila fyrir brúðarhjón og heitir Ástin leynist í góðri lýgi. Vonandi náum við að taka það upp fljótlega og setja hér inn. Annars er verið að vinna í helling af lögum og eflaust munu þau öll enda hér á síðunni.Einnig er hljómsveitin að spá í næstu landvinninga og líklegast verður það Ameríka aftur sem Breiðbandið mun ráðast á. Við sjáum fram á að ef við sláum í gegn þar þá getum við lifað áhyggjulausi lífið í Nashville það sem eftir er.Best whishesBreiobandio Mon, 02 Jun 2008 21:39:19 GMT http://www.123.is/breidbandid/blog/record/250810/ Jæja, lífið gengur sinn vanagang hjá Breiðbandinu. Við erum að taka upp og semja ný lög. Við frumfluttum eitt lag í brúðkaupi á laugardaginn og það gerði bara ágætis lukku. Svo erum við að spila í 100 ára afmæli á morgun. Hvenær skyldi Breiðbandið svo taka þátt í Eurovision? Þegar þeir koma út úr skápnum, læra eitt lag utanað, fara í ræktina á sama tíma eða Ómar blæs á sér hárið. Sem sagt aldrei.Já, að muna texta. Akkelisarhæll Breiðbandsins, minnir mig á það sem Kalli Karlremba sagði einu sinni: Thu, 22 May 2008 13:02:17 GMT http://www.123.is/breidbandid/blog/record/241157/ Jæja, þá er komið að því. Sumarsmellurinn í ár er kominn á myspace síðuna okkar: http://www.myspace.com/breidbandidÞar getið þið hlustað á lagið. Endilega látið okkur vita hvernig ykkur finnst. Lagið heitir "Nágranninn" og mun vonandi koma út á næsta geisladiski hljómsveitarinnar. Þetta er jafnframt fyrsta lag hljómsveitarinnar sem er tekið er upp í nýju og glæsilegu stúdíói okkar "Stúdíó Spik"Og endilega hafið þennan málshátt í huga þegar þið hlustið á lagið: "Ávallt skal hlusta á lag til enda." Wed, 30 Apr 2008 09:51:20 GMT http://www.123.is/breidbandid/blog/record/238326/ Nú er sýningum á leikritinu okkar að ljúka. Síðasta sýningin verður næstkomandi föstudag. Að okkar mati þá hefur þessi frumraun okkar á ritvellinum slegið í gegn. Nú er bara spurning hvort þetta sé ekki bara fyrsti þáttur af þríleik eins og er svo vinsælt að gera í dag. Samanber hringadrottnissögu, og fleiri góð verk.Okkar ískalda mat er að þetta hefur slegið í gegn, en kannski eru allir bara svo kurteisir að segja bara eitthvað gott við okkur.Næsta laugardag munum við fara í óvissuferð með þessu skemmtilega fólki í leikfélaginu. Við erum hreinlega gapandi yfir því hvað leikararnir og Helga hafa náð að gera mikið úr þessum skrítnu hugmyndum sem við fengum. Okkur hlakkar mikið til að skemmta okkur með þessu góða fólki. Wed, 23 Apr 2008 21:20:04 GMT http://www.123.is/breidbandid/blog/record/236534/ Um helgina voru sýndar tvær sýningar af revíunni okkar ?Bærinn breiðir úr sér? og komust færri að en vildu. Árni Sigfússon bæjarstjórinn okkar gerði sér nú lítið fyrir og leysti af leikarann sem túlkaði hann listavel fram að þessu en þurfti að bregða sér erlendis í nokkra daga. Til þess að þurfa ekki að fella niður sýningar þá brást Árni við kallinu af miklum höfðingsskap og hugrekki því þarna er nú um ekkert smá hlutverk að ræða.Það er engum blöðum um það að fletta að maður trúði því algerlega að þarna væri bæjarstjórinn á ferð og engin annar, svo sannfærandi var hann í þessu hlutverki.Reyndar var hann nú ekki eini staðgengillinn því Júlíus gjaldkeri LK tók að sér hlutverk Ársæls sem leikur t.d. Garðar Thor Cortes og í SSS atriðinu. Þess má geta að hann stóð sig með stakri prýði og sýndi það og sannaði að hann er ekki við eina fjölina felldur í listaheiminum. Sun, 20 Apr 2008 12:50:49 GMT http://www.123.is/breidbandid/blog/record/235080/ Ótrúlegar fréttir! Árni Sigfúson, bæjarstjóri Reykjanesbæjar hefur ákveðið að leika sjálfan sig í Revíunni "Bærinn breiðir úr sér". Árni mun leika, syngja og jafnvel taka nokkur vel valin dansspor í sýningunum, en hann leysir af á föstudags- og laugardagskvöldið. Nú er bara að tryggja sér miða. Hvað næst? Ólafur F. Magnússon í Spaugstofunni? Thu, 17 Apr 2008 08:01:36 GMT http://www.123.is/breidbandid/blog/record/234755/ Jæja, nú er leikritið búið og þeir sem misstu af því - Sorrý. Spurning hvort við semjum ekki kvikmyndahandrit næst. Svona stríðs, bíla, geim, kafara, sjúkrahúss, söngleik. Landið er að fara á hausinn ef marka má fréttir, allt honum Davíð Oddsyni að kenna er manni sagt. Voða gott að geta kennt einhverjum um, manni lýður svo miklu betur í sálinni. Við strákarnir erum að leggja lokahönd á sumarsmellinn í ár. Það verður sjálfsagt hægt að fá hlusta á lagið á heimasíðunni þegar það verður klárt. Hver vill ekki heyra það? Wed, 16 Apr 2008 15:54:05 GMT http://www.123.is/breidbandid/blog/record/230442/ Þá er komið að lokasýningarhelgi á leikritinu okkar Bærinn breiðir úr sér. Við erum búnir að fá frábærar viðtökur og erum mjög sáttir við samstarfið við Leikfélagið og leikstjórann. Ef einhverjir eiga eftir að sjá þetta þá er síðasti séns núna um helgina. Tue, 08 Apr 2008 11:12:38 GMT http://www.123.is/breidbandid/blog/record/224599/ Nú um helgina verður leikritið okkar sýnt fimmtudag, föstudag, laugardag, og sunnudag. Við erum oft spurðir af því hvort við séum að leika í þessu eða spila undir en í raun er okkar vinnu lokið. Við einungis sömdum þetta leikrit og hefðum ekkert bætt þann góða hóp sem leikur í þessu verki okkar. Við eigum það nú til að bregða okkur í leikhúsið og horfa á eina og eina sýningu enda erum við rífandi ánægðir með frammistöðu leikarana og fáum ekki nóg af þessu leikriti. Við hlægjum alltaf jafn mikið og það verður að segjast að sýningin er búin að slípast mikið til og orðin miklu betri. Brandararnir eru að skila sér miklu betur útí sal núna en td. á frumsýningu. Þá kom það leikurunum soldið á óvart hvað var mikið hlegið. Örugglega orðnir hundleiðir á bröndurunum.En þetta er eitthvað sem enginn má missa af.Breiðbandið. Tue, 25 Mar 2008 16:30:00 GMT http://www.123.is/breidbandid/blog/record/219510/ Undanfarnir dagar hafa verið frábærir. Fólk er duglegt að hrósa okkur fyrir revíuna "Bærinn breiðir úr sér". Annað hvort er fólk almennt mjög ánægt eða svona rosalega kurteist við okkur og vill ekki særa okkur. Framundan eru sýningar fimmtudag, föstudag, laugardag og sunnudag. Fólki þarf ekki að koma það á óvart að við sjáumst á meðal áhorfenda við og við. Því við skemmtum okkur rosalega vel að horfa á þetta þó svo við höfum skrifað þetta. Leikararnir standa sig svo ROSALEGA vel að við fáum sting niður í hjarta hvað þeir fara vel með verkið okkar. Þetta hefur verið svo rosalega gaman fyrir okkur að við vonum bara að til okkar verði leitað aftur eftir nokkur ár. Það er reyndar með þeim skilyrðum að bærinn okkar geri eitthvað af sér sem vert er að skrifa um.Við viljum skora alla að kíkja í leikhús.Annars er það að frétta af hljómsveitinni að við tókum í fyrsta sinn upp með nýja trommaranum okkar og gekk það rosalega vel. Ómar er orðinn töframaður á tökkunum og meira segja var hægt að nota bassaspilið hjá Rúnari með aðstoð nýjustu tækni.Endilega skrifið hér í athugasemdadálkinn og þá helst hvað við erum frábærir. Því eins og öllum dýrum að kattakyni finnst okkur rosalega gaman að vera strokið.Breiðbandið. Wed, 12 Mar 2008 21:08:00 GMT http://www.123.is/breidbandid/blog/record/217261/ Í gærkveldi rann upp stóra stundin en þá var frumsýnd revían okkar "Bærinn breiðir úr sér". Það er vægt til orða tekið að segja að sýningin hafi verið skemmtileg því stemmingin í salnum var stórkostleg. Leikararnir fóru allir með tölu á kostum og áhorfendur hreinlega öskruðu af hlátri, klöppuðu og stöppuðu til að tjá hrifningu sína.Við félagarnir erum gríðarlega ánægðir með útkomuna því hún fór svo sannarlega fram úr okkar villtustu vonum en þær voru nú miklar fyrir. Í lok sýningarinnar voru allir aðstandendur sýningarinnar hylltir með standandi lófataki og var það stórkostleg stund. Helga Braga á mikið hrós skilið fyrir leikstjórnina því ekki hefði verið hægt að fá betri leikstjóra til að stýra þessu verki og koma okkar húmor alla leið.Breiðbandið þakkar fyrir sig. Sat, 08 Mar 2008 13:26:00 GMT http://www.123.is/breidbandid/blog/record/216990/ Þá er komið að því. Í kvöld á að frumsýna leikritið okkar "Bærinn breiðir úr sér" Við erum yfir okkur spenntir en það er enginn kvíði. Við erum búnir að kíkja nokkrum sinnum á æfingar og það er engin ástæða til að hafa áhyggjur. Það eru frábærir leikarar sem taka þátt í þessu og Helga hefur stjórnað þeim eins og herforingi. Á general prufunni vorum við að springa úr monti. Þvílíkur hlátur. Og lokaatriðið..vááá.Þeim sem mun leiðast á þessari sýningu eru ekki viðbjargandi.Breiðbandið vill þakka Leikfélaginu kærlega fyrir að fá þessa "kolklikkuðu" hugmynd að biðja okkur um að semja Revíu. Við vissum ekkert hvað við ættum að gera en með aðstoð góðs hóps þá er komin frábær sýning.Allir - fjölmennið Fri, 07 Mar 2008 18:00:00 GMT http://www.123.is/breidbandid/blog/record/216669/ Í dag var umfjöllun um leikritið okkar í þremur fjölmiðlum. Víkurfréttum, Tíðindunum og í Morgunblaðinu. Einnig var brot úr morgunblaðsgreininni á vefnum hjá mbl.ishttp://www.mbl.is/mm/folk/frettir/2008/03/06/syna_reviu_um_baejarlifid/Það sem mér finnst alveg frábært að einhver tók sér tíma í að gagnrýna það sem þar kom fram. http://hlf.blog.is/blog/hlf/entry/466117/ Heimir L. Fjeldsted sem kynnir sig sem mann sem ekki getur hætt að taka sig ekki of alvarlega, óskar þess að ég sé ekkert að þvælast í Reykjavík og ætlar að leggja af sínar ferðir í Reykjanesbæ.Endilega kíkið á þetta. Ég er rífandi stoltur af því að umsagnir mínar í blöðum geti fengið menn til að geysast fram á ritvöllinn.Með kærri kveðju og vinsemd og virðinguRúnar I. Hannah. Thu, 06 Mar 2008 22:52:00 GMT http://www.123.is/breidbandid/blog/record/216337/ Thu, 06 Mar 2008 11:28:00 GMT http://www.123.is/breidbandid/blog/record/216287/ Nú styttist aldeilis í frumsýningu á revíunni okkar "Bærinn breiðir úr sér" sem við sömdum fyrir Leikfélag Keflavíkur en frumsýningin er annað kvöld. Við erum orðnir mjög spenntir en við vorum einmitt á "general-prufu" í gærkveldi og skemmtum okkur mjög vel eins og aðrir áhorfendur sem voru þar staddir. Viðbrögð áhorfenda styrktu okkur í þeirri trú að þarna væri á ferðinni mjög skemmtilegt verk sem allir ættu að skemmta sér yfir, hvort sem þeir eru héðan úr bæjarfélaginu eða utanaðkomandi. Við höfðum það einmitt að leiðarljósi þegar við sömdum verkið að hafa þetta ekki of "local"Grein um leikritið birtist í dag á mbl.is en slóðin á hana er hér:http://mbl.is/mm/folk/frettir/2008/03/06/syna_reviu_um_baejarlifid/Það er ljóst að þegar handritið fór frá okkur þá voru þetta bara fullt af stöfum á blöðum en í meðförum Helgu Brögu leikstjóra og Leikfélags Keflavíkur þá lifnar þetta við og tekur flugið og stefnir hátt.Leikfélagið hefur á að skipa mjög sterkum hóp leikara og annars fólks sem vinnur á bak við tjöldin og hefðum við ekki getað kosið betri flokk til að koma þessu stykki á fjalirnar. Við erum rífandi stoltir og hrærðir yfir að fá að taka þátt í þessu. Thu, 06 Mar 2008 09:54:00 GMT http://www.123.is/breidbandid/blog/record/214518/ http://vf.is/svart_og_sykurlaust/numer/35050/default.aspxEn og aftur er umfjöllun um leikritið okkar. Þessi mynd er tekin af vf.isÞarna eru stórleikararnir Rúnar Jóhannesson og Guðný Kristjáns. Sun, 02 Mar 2008 20:46:00 GMT http://www.123.is/breidbandid/blog/record/213772/ http://vf.is/mannlif/numer/34992/default.aspxVið erum búnir að fá fína umfjöllun síðustu daga um leikritið okkar.Núna er bara vika í að þetta verði frumsýnt og við erum orðnir vel spenntir.Við fórum á æfingu í gær og við hreinlega grétum úr hlátri. Vonandi munu aðrir skemmta sér eins vel og við gerum.þessi mynd er tekin frá Víkurfréttum, takk fyrir það. Sat, 01 Mar 2008 00:17:00 GMT http://www.123.is/breidbandid/blog/record/212363/ Hérna er mynd frá því við skemmtum um helgina. 250 hressar konur og einn prestur sem veitti áfallahjálp.Við skemmtum okkur konunglega og takk fyrir okkur. Áfram Fylkiskonur. Wed, 27 Feb 2008 07:24:00 GMT http://www.123.is/breidbandid/blog/record/212325/ Við bíðum ennþá eftir aukinni kvennhylli. Tue, 26 Feb 2008 23:12:00 GMT http://www.123.is/breidbandid/blog/record/211655/ Undirbúningur fyrir næsta disk Breiðbandsins er í fullum gangi. Upptökur eru hafnar og af því tilefni bættum við við okkur trommara. Þessi trommari er fyrirmynd annara trommara því hann mætir alltaf á réttum tíma og er aldrei með leiðindi. Drekkur ekki frá okkur bjórinn en getur að vísu ekki keyrt okkur um. Þessi trommari er vitaskuld bara hugbúnaður enda er það þekkt staðreynd að trommarar eru aldrei til fyrirmyndar í sambandi við mætingu né drykkju. Mon, 25 Feb 2008 20:11:00 GMT http://www.123.is/breidbandid/blog/record/210905/ Í gærkvöldi skemmtum við á Góu gleði Fylkiskvenna. Þar var mikið fjör og um 250 konur sem skemmtu sér vel. Eins og vanalega þá var Gunni rótari að keyra og þar sem álagið var það mikið eftir að hafa skemmt konunum þá stoppuðum við á Fjörukránni á leiðinni heim. Þar drukkum við einn eða tvo kalda.Það styttist óðfluga í það að leikritið okkar verður frumsýnt og erum við orðnir mjög spenntir. Við vonum bara að áhorfendur munu skemmta sér eins vel og við gerum þegar horfum á æfingar. Sun, 24 Feb 2008 09:57:00 GMT http://www.123.is/breidbandid/blog/record/209330/ Það eru tveir búnir að skrifa í gestabókina okkar á þessari nýju síðu.Við erum djúpt snortnir. Getum ekki varist tárum. Wed, 20 Feb 2008 16:29:00 GMT http://www.123.is/breidbandid/blog/record/207910/ Nú erum við búnir að setja inn myndir frá ferðinni sem við fórum til Minneapolis í desember 2006 en við fórum þangað til þess að spila á Jólafestivali i Mall of America.  Þetta var með skemmtilegri ferðum sem við höfum farið.  Við spiluðum þarna á stærsta sviðinu af þrem sem eru þarna í Mall of America.  Eitthvað virðist kaninn hafa misskilið íslensku stafina því við vorum kynntir sem hljómsveitin Breiobandio.  Fólkið bjóst kannski við þrem súkkulaðibrúnum latino gæjum en svo komu bara þrír snjóhvítir feitir lúðar frá Íslandi. Sun, 17 Feb 2008 20:57:00 GMT http://www.123.is/breidbandid/blog/record/207427/ Við erum búnir að setja inn myndir sem voru teknar af okkur í Horsens þegar við skemmtum á þorrablóti Íslendingafélagsins þar. Allar myndirnar eru teknar af heimasíðu félagsins www.ifhorsens.dk. Við munum seinna vonandi bæta við myndum sem við tókum sjálfir í þessari ferð.Hérna erum við með Rótaranum/bílstjóranum okkar Árna Birni. En hann stjanaði þvílíkt við okkur að setjum núna alltaf upp þær kröfur þegar við spilum erlendis að við fáum bílstjóra og penthouse, og vitaskuld helling af bjór. Sat, 16 Feb 2008 12:50:00 GMT http://www.123.is/breidbandid/blog/record/206272/ Jæja, nú höfum við tekið nýja heimasíðu í notkun en þessi er töluvert notendavænni en sú gamla en það varð til þess að við nenntum ekki að skrifa neitt inn á gömlu síðun og enn síður setja inn myndir á hana því það var svo mikið vesen.  Þessi hins vegar er mjög þægileg og þar sem við nennum ekki neinu veseni þá gæti þetta orðið til þess að við sinnum heimasíðunni betur fyrir vikið.  Við erum búnir að setja inn eitthvað af myndum í myndasafnið og erum að vinna í því að setja inn fleiri þannig að það er þess virði að kíkja reglulega hingað.Endilega sendið okkur kveðju í gestabókina.Þó það líti út fyrir að "það sé ekki kjaftur í húsinu" þá erum við þarna í "sándtjékki" fyrir upptökutónleikana "Breiðbandið - Léttir á sér" Fri, 15 Feb 2008 22:03:00 GMT http://www.123.is/breidbandid/blog/record/206228/ Breiðbandið er einstaklega ánægt með að búa ekki í Reykjavík í ljósi síðustu atburða þar. Revían sem við skrifuðum að miklum hluta í kringum jól væri ónýt ef jafn tíð stjórnarskipti yrðu hér í bænum líkt og er í Reykjavík. Réttast væri að senda bænum þakkarbréf.Hérna er mynd af okkur frá Þorrablóti í Horsens. Dagskráin var soldið stíf svo við mættum í náttfötum til að skemmta. Wed, 13 Feb 2008 16:47:00 GMT http://www.123.is/breidbandid/blog/record/205870/ Nú erum við búnir að skila af okkur handritinu af revíunni sem við sömdum fyrir Leikfélag Keflavíkur en vinnuheitið er "Bara Blátt áfram". Nú bíðum við spenntir eftir að mæta á frumsýninguna og sjá útkomuna. Við höfum svo sem nóg að gera í millitíðinni því nú er vertíð hjá okkur í að skemmta á þorrablótum og árshátíðum. Við erum þéttbókaðir næstu vikurnar og eru nú þegar farnir að bóka næsta sumar.Þetta hljómar eins og hjá ferðaskrifstofu. Tue, 12 Feb 2008 21:37:00 GMT