Nú erum við búnir að skila af okkur handritinu af revíunni sem við sömdum fyrir Leikfélag Keflavíkur en vinnuheitið er "Bara Blátt áfram".  Nú bíðum við spenntir eftir að mæta á frumsýninguna og sjá útkomuna.  Við höfum svo sem nóg að gera í millitíðinni því nú er vertíð hjá okkur í að skemmta á þorrablótum og árshátíðum.  Við erum þéttbókaðir næstu vikurnar og eru nú þegar farnir að bóka næsta sumar.
Þetta hljómar eins og hjá ferðaskrifstofu.